Kayi dino se man me ek abhilasha hunkaare bhar rahi thi aur prabhu ki kripa se is warsh yah manokaamna bhi poorna ho gayi. Darasal, jab se main college me Pavan ke sampark me aaya aur usne mere naam ko lekar kaseede kasne shuru kiye, tabhi se meri iksha thi ki main apne naam ke bhawaarth ke antahkaran tak jaoon. Aur jaisa ki maine kaha, is warsh harikirtan me ye awasar bhi mil hi gaya. Chaubees ghante ka akhand kirtan sampann ho chuka tha aur bhandaare ke baad ki madhur aur tript bela (ya yun kahein ki tript udar) thi jab saara pariwaar gapp-sarhaake ke liye baitha aur bas phir kya hona tha...kaam aayi meri abhilasha aur usse bhi zyada kaam aaya biljli vibhaag, jisne ye thaan liya tha ki bijli dena uske dharm ke khilaaf hai aur is prakaar humein gapp ka bharpoor awasar dena uska param kartavya.
Jaise hi maine apne naam ke arth ki baat cherhi, kai awaazein ek saath aani shuru ho gayi...amma, chacha, chote papa, bua...jise dekho, apni hi dhuni ramaata sa prateet hota tha. Lekin jaldi hi main wo sab kuch sun chuka tha jo mujhe pehle se hi pata tha. Jab maine kuch aur andar jaakar thehre hue paani me hulchul paida karne ka prayaas kiya, tab jaakar asliyat saaamne aayi aur maine wo kahaani suni jisne na kewal meri jigyaasa ko shaant kiya balki mere mastishk me supt ek doosri jigyaasa ko janm diya...lekin main shayad path-bhramit ho raha hoon...sab kuch parantu kramwash.
Nimai bachpan se hi shararati the. Chutpan se hi unhone aisa koi bhi awasar nahi jaane diya jab unhone kisi sanyaasi, kisi sadhu ka apamaan athwa parihaas na kiya ho. Lekin jaise jaise unhein sachchai ka gyan hua aur prabhu ki leela unke jeevan me prakaash ban kar aayi, waise waise unhone aise kaam shuru kiye jinki wajah se aaj unhe Mahaprabhu ki sangya di jaati hai. Unhone kisi ko bhi shishya nahi banaaya lekin unke kai paarshad the jinhe gosaain ki sangya di gayi. In sabhi anuyaayiyon ne gauriya sampradaay ka srijan kiya aur krishna prem ke bhaaw ka prachaar prasaar kiya. In sab paarshadon me pramukh the chah gosaain: Roop, Sanatan, Bhat, Raghunath, Jeev aur Gopal...in logo ne Chaitanya Chaitawali ki rachna ki aur Bhagwan Sri Krishna ke prem ras me sabhi ko vibhor kiya. Mahaprabhu ne in chah gosaaion ko aagya di ki wo Bhagwan Sri Krishna ki leela ko punarjeevit karein. Yah inhi gosaaiyon ki mehnat ka nateeja hai ki jo Vrindavan kabhi jangal tha, aaj itna bada dhaarmik sthal hai jahaan jaate hi aisa lagta hai maano prabhu ki baal leela aur raas leela aankhon ke samaksh sajeev ho padi ho.
Nitai ek sanyaasi the jo ki dar dar prabhu gyan ke talaash me bhatakte the. Jabse inka sampark Mahaprabhu se hua, wo unke maadhyam se prabhu ke sameep pahuch gaye. Mahaprabhu ke sabse bade bhakton me unka naam liya jaata hai...yahaan tak ki kimvandati ye bhi hai ki Nitai aur Nimai bhai the (halaanki wo kewal Guru Bhai the). Isi prakaar kai baar ye bhi kaha jaata raha hai ki jis prakaar Mahaprabhu swayam Prabhu Sri Krishna ke awataar the, usi prakaar Nitai Dau Balraam ke roop the. Mahaprabhu swayam Nitai ko bahut maante the aur jaisa ki maana jaata hai, Prabhu ke sameep pahuchne ka sabse uttam maarg unke bhaktgan hi hain...tabhi to kaha jaata hai...Nitai bole, Gaur bol, Gura bole Hari bol.
Ye sach hai ki mera naam Nitai hote hue bhi aaj tak main in sab baaton se awagat nahi tha lekin sach ye bhi hai ki ye sabhi baatein kaafi anokhi lagi mujhe aur unhone mere man mastishk me kahi soye hue Nitai ko shayad jhakjhor sa diya. Agar main ek vaakya me us din ki kahaani ka mere upar jo asar hua uski vyaakhya karne ki cheshta karoon to shayad wohi kahoonga jaisa ki chote papa ne ant me kaha...yadyapi Prabhu har roop me ek hi hain, lekin Bhaktavatsal Prabhu Sri Krishna ke bhakt Gauriya Sampradaay ki bhakti me jo ras hai, wo shayad hi kisi aur sampradaay me milta ho.
3 comments:
Well, Nitai. Haribol!!!!
There seems to be sarcassm about my appreciation of the name Nitai.
However, notwithstanding that I am happy that I played my part in getting you to learn more about
Nityananda Prabhu, one of the Pancha tattvas of the Gaudiya Vaishnava Parampara. Nityananda Prabhu was a sanyasi of the Madhva Vaishnava Parampara, who can be credited with bringing the nectar of Krsihna Prema and Vaishnava Bhakti to the masses in north eastern India.
Lord Shri Krsna in the Bhagavad Gita has said that one is just an instrument in the work of the divine ( nimittamaatram tava savyasaachin). I am glad that He chose me to be an instrument in your educating yourself about your parampara.
When Nitai sang to the people of Bengal about Krsna Prema , the people called him mad. Nevertheless, He was able to get the nectar of Krsna consciousness to the masses. I consider it an elevation of status that even I am criticised for the act just as the Great Nityananda was.
In His service always and Happy that He considers this servant worthy of doing His work
Pavan V Vyas
Wrong interpretation of what I wrote...I rest my defence.
Yeah... you told me... Well, I guess I owe an apology.... So, I am here to tender one.
When it comes to religion and faith, emotions run high and one gets touchy.
The stories of Nityananda have always been discussed in the Madhva community with pride, as the greatest of saints that he was, was responsible for the spread of the words of our guru Madhvacarya in the east and in the north of the country.
Would be glad to hear more stories about him that you may have heard from back home. And as your chote papa said... there are very few things in life which can even aspire to equal the pleasures of singing the praises of Lord Krsna.
I apologise for the misunderstanding.
Haribol!!!!!
In His Service as always
Pavan V Vyas
Post a Comment